ஆதார் அட்டை பற்றி நாம் தெளிவாகத் தெரிந்து கொள்ள வேண்டியது

ஆதார் கார்ட் நாட்டின் பல பாகங்களிலும்விநியோகம் செய்யப்படுகின்ற இந்நேரத்தில் ஆதார் அட்டை பற்றி நாம் தெளிவாகத் தெரிந்து கொள்ள வேண்டியது மிகவும் முக்கியம். மக்கள் மனங்களில் எழும்பும்ஆதார் பற்றின கேள்விகளுக்கு இதோ பதில்கள்

ஆதார் என்றால் என்ன?

ஆதார் என்பது 12 எண்களைக் இலக்கங்களைக்கொண்ட ஒரு எண். இதை யுனிக் ஐடென்டிஃபிகேஷன் அதாரிடி ஆஃப் இந்தியா தனதுஎல்லா குடிமக்களுக்கும் வழங்குகிறது. இந்த எண்ணில் புகைப்படம் உள்ளிட்ட ஒருவரைப் பற்றின மிக முக்கிய தகவல்கள் ஒரு சென்ட்ரல் டேட்டா பேஸில் பதிய வைக்கப்பட்டிருக்கும். ஆதார் ஒப்புநோக்க எளிதானது மேலும் தனிதன்மையுடையது என்பதால் கள்ள எண்களையும் தவறான தகவல்களையும் தவிர்க்க ஏற்றது. ஜாதி மதபேதங்கள் இல்லாமல் அனைவருக்கும் ஒன்றானது.

1. இது ஒரு 12 இலக்க எண்,  அட்டை மட்டுமல்ல

2. அனைவருக்கும் ஆனது. கைக்குழந்தைகளுக்குக் கூட. அதாவது ஒவ்வொரு குடும்பத்துக்கும் ஒரு பிரத்யேக ஆதார் யு.ஐ.டி எண் கொடுக்கப்படும்.

3. அது இங்கு வசிப்பவர்களுக்கு ஒரு அடையாளம் தருகிறது. குடியுரிமை பற்றினது அல்ல. இந்தியர்களுக்கு மட்டுமானதும் அல்ல.

4. ஆதார் கார்ட் பெற்றுக் கொள்வது விருப்பத்தின் பேரிலானது, கட்டாயம் அல்ல.

5. நம் நாட்டில் வசிக்கும் ஒவ்வொருவரும் பெற்றுக் கொள்ளலாம். அதாவது அடையாள அட்டை ஏதும் இல்லாதவர்களும் பெற்றுக்கொள்ளலாம்.

6. ஒவ்வொருவருக்கும் ஒரு தனிபட்ட ஆதார் அடையாள எண் வழங்கப்படும். ஒருவருக்கு ஒரு எண்ணுக்கு மேல் கிடைக்காது.

7. யு.ஐ.டி ஒரு தனி நபர் பற்றின அரசாங்கமற்றும் தனிப்பட்ட நிறுவனங்களுக்கு ஆம் அல்லது இல்லை என்று மட்டுமே பதில் அளிக்கும். மேலும் விபரங்கள் ஏதும் யு.ஐ.டி கொடுக்காது.

8.ஆதார் யு.ஐ.டி எண் விபரங்கள் ரேஷன் அட்டை, பாஸ்போர்ட் போன்றவற்றுக்கு பயன்படும்..ஆனால் அவற்றுக்கு மாற்றாகாது.

எதற்காக ஆதார் பெற வேண்டும்?

1. கிராமப்புரங்களில் வசிக்கும் ஏழைகளுக்கு மிகப் பயன் தரத்தக்கது

2. தெளிவான அடையாளம் தரும் ஒரு நபருக்கு

3. வங்கிகளில் ஏழைகளும் எளிதில் கணக்கு வைத்துக் கொள்ள ஏது செய்யும்

4. அரசாங்க மற்றும் தனி நபர் நிறுவனங்களின் சேவைகளை ஏழைகளும் எளிதில் பயன்படுத்திக் கொள்ளலாம்

5. பிரயாணிகளுக்கு அடையாளப் பிரச்சினைகளில் இருந்து விடுதலை

6. அரசாங்கத்தின் நலம் தரும் திட்டங்கள் மக்களுக்குப் பயன் தரவும் போய்ச் சேரவும் எளிதாக இருக்கும்

யாரெல்லாம் ஆதார் பெற்றுக்கொள்ளலாம்?

இந்தியாவில் வசிக்கும் மற்றும் யு.ஐ. டி.ஏ.ஐ யின் வெரிஃபிகேஷனை திருப்தி செய்யும் எவரும் ஆதார் பெறலாம்.

எப்படி பெறுவது?

உள்ளூர் ஊடகங்களில் ஆதார் பற்றின பிரச்சாரங்கள் செய்வார்கள். ஊடகங்களில் தெரிவிக்கப்படும் (ஆதாரங்களை)  certain documentsஎடுத்துப் போக வேண்டியிருக்கும்.

என்னென்ன ஆதாரங்கள் தேவைப்படும்?

பதிவு செய்யும் நேரம் தேவைப்படும்ஆவணங்கள்

1. (ஆதார் விண்ணப்பப் படிவம்) Aadhaar application form

2. வசிப்பிடம் பற்றின தகவல்

3. அடையாள அட்டை புகைப்படத்துடன்

ஒவ்வொரு ஊருக்கும் இவை மாறுபடலாம்

தேவைப்படும் தகவல்கள்

1. பெயர்

2. பிறந்த தேதி

3. பால்

4. முகவரி

5. பெற்றோர் மற்றும் காப்பாளர் பற்றின தகவல்

6. தொடர்பு கொள்ள தொலைபேசி மற்றும் ஈ மெய்ல் முகவரி

மேலும்

1. புகைப்படம்

2. 10 விரல் அடையாளங்கள்

3. விழிப்படல அடையாளம்

எங்கு பதியலாம்?

இங்கு சொடுக்குங்கள் Enrollment camps

விண்ணப்படிவம் எங்கு கிடைக்கும்?

இங்குசொடுக்கவும் Aadhaar application form

பதிவு செய்து கொள்ளும் முகாம்களில் படிவங்கள் கிடைக்கும் அல்லது இங்கு பிரிண்ட் செய்து கொள்ளலாம் சொடுக்கவும்  here. 

ஆதார் ஹெல்ப் லைன் தொலை பேசி எண்: டோல் ஃப்ரீ எண் : 1800-180-1947

ஆதார் படிவத்தில் அச்சு மற்றும் எழுத்துப் பிழைகள் இருந்தால் என்ன செய்வது?

பதிவு செய்து கொள்ளும் போதே தவறுகளைநேரில் பார்த்து சரி செய்து கொள்ள வசதி உண்டு. அப்படியும் பிழைகள் நேர்ந்தால்.. 48 மணி நேரத்துக்குள் தேவையான ஆவணங்களை எடுத்து சென்று சரி செய்து கொள்ளலாம்.

ஆதார் கார்ட் விண்ணப்பித்து எத்தனை நாளில் கிடைக்கும்?

பல சோதனைகளைத் தாண்டி வர வேண்டியிருப்பதால் 60 லிருந்து 90 நாட்கள் ஆகலாம்.

விண்ணப்பம் மறுக்கப்படுமா?

மறுக்கப்படலாம்…

1. தவறுகள் நேர்ந்தால்

2. மேலும் உங்களைப் பற்றின உடற்கூறு ரீதி ஆதாரம் மற்றும் ஒருவரின் ஆதாரமும் ஒன்று போல் இருந்ததால்.

சரி பார்க்கப்பட்ட பின் ஆதார் கார்ட் வழங்கப்படும்.

இதுகுறித்துஇ மேலும் விவரங்களை அறிய 044-28582798, 0431-241245, 0452-2526398, 0422-2558204 ஆகிய தொலைபேசி எண்களில் தொடர்பு கொள்ளலாம் எனதமிழக வட்ட தலைமை தபால் துறை தலைவர் அலுவலகம் தெரிவித்துள்ளது.

Tamil

பூர்த்தி Aadhaar சேர்க்கை படிவத்தை சேர்த்து,பின்வரும் ஆவணங்களை நோட்டரி / அரசிதழ் பதிவு பெற்ற அலுவலர் அசல் அல்லது மந்தை பிரதிகளை உற்பத்தி இருக்க வேண்டும். 

அடையாள * சான்று (PoI) 

முகவரி    * சான்று (PoA)

பிறந்த     * தேதி (DoB)

Uid வலைத்தளம் படி, பின்வரும் சான்றாக ஏற்று எந்த ஆவணங்கள் உள்ளன. நீங்கள் பட்டியலிடப்பட்ட ஆவணங்கள் சில அல்லது எந்த இல்லை என்றால்,தொடர்ந்து இருக்கும் வழிமுறைகள் 'சான்று ஆவணங்களை இல்லை எனில் ஒரு' கீழே பிரிவில் பார்க்க.

அடையாள சான்று (PoI), (பெயர் மற்றும் புகைப்படம் கொண்ட) 

1.பாஸ்போர்ட்  

2.நிரந்தர கணக்கு எண் அட்டை

3.ரேஷன் / PDS புகைப்பட அட்டை

4.வாக்காளர் அடையாள அட்டை

5.ஒட்டு உரிமம்.

6. அரசு புகைப்பட அடையாள அட்டைகள்

7. NREGS வேலை அட்டை

8. அறியப்பட்டதா கல்வி நிறுவனம் வழங்கப்பட்ட புகைப்பட அடையாள அட்டை

9. படைக்கல உரிமம்

10. Photo வங்கி ஏடிஎம் கார்டு

11. Photo கடன் அட்டை

12. ஓய்வு கால ஊதியம் பெறுபவர் புகைப்பட அட்டை

13. சுதந்திர போராட்ட வீரர் புகைப்பட அட்டை

14. ஜாம் புகைப்பட கைச்சாத்து புத்தகம்

15. CGHS / ECHS புகைப்பட அட்டை

16. முகவரி அட்டை பெயர் மற்றும் தபால் திணைக்களம் வெளியிட்ட புகைப்பட கொண்ட

17. லெட்டர் ஹெட் குழு ஒரு அரசிதழ் பதிவு பெற்ற அதிகாரி வெளியிட்ட கண்டறிந்து கொண்ட நிகழ்வு சான்றிதழ்

புகைப்படங்கள் இல்லாமல் ஆவணங்கள் ஏற்று முடியாது. பழைய புகைப்படங்கள் ஏற்றுக்கொள்ள உள்ளன.
முகவரி சான்று (PoA) (பெயர் மற்றும் முகவரி அடங்கிய)

1. பாஸ்போர்ட் 

2. வங்கி அறிக்கை / கைச்சாத்து புத்தகம்

3. தபால் கணக்கு அறிக்கை / கைச்சாத்து புத்தகம்

4. ரேஷன் அட்டை

5. வாக்காளர் அடையாள அட்டை

6. ஒட்டு உரிமம்7. அரசு புகைப்பட அடையாள அட்டைகள்

8. மின்சார பில் (3 மாதங்களுக்கு விட பழைய இல்லை)

9. தண்ணீர் பில் (3 மாதங்களுக்கு விட பழைய இல்லை) 

10. தொலைபேசி தொலைபேசி பில் (3 மாதங்களுக்கு விட பழைய இல்லை)

11. சொத்து வரி ரிசிப்ட் (இல்லை பழைய விட 3 மாதங்கள்)

12. கடன் அட்டை அறிக்கை (இல்லை பழைய விட 3 மாதங்கள்)

13. காப்பீட்டு ஆவணம்

14. லெட்டர் ஹெட் வங்கி புகைப்பட கொண்ட கையெழுத்திட்ட கடிதம் 

15. லெட்டர் ஹெட் பதிவு நிறுவனம் வெளியிட்ட கையெழுத்திட்ட கடிதம் கொண்ட புகைப்பட

16. லெட்டர் ஹெட் அறியப்பட்டதா கல்வி பயிற்சிகள் வழங்கப்பட்ட கையெழுத்திட்ட கடிதம் கொண்ட புகைப்பட 

17. NREGS வேலை அட்டை

18. படைக்கல உரிமம்  

19. ஓய்வு கால ஊதியம் பெறுபவர் அட்டை

20. சுதந்திர போராட்ட வீரர் அட்டை

21. ஜாம் கைச்சாத்து புத்தகம்

22. CGHS / ECHS அட்டை

23. லெட்டர் ஹெட் எம்.பி. அல்லது எம்.எல்.ஏ. அல்லது குழு மூலம் ஒரு அரசிதழ் பதிவு பெற்ற அதிகாரி வெளியிட்ட முகவரி கொண்ட நிகழ்வு சான்றிதழ்

24. கிராம பஞ்சாயத்து தலைவர் வழங்கப்பட்ட முகவரி அல்லது அதன் சமமான அதிகாரம் சான்றிதழ் (கிராமப்புறங்களில்)

25. வருமான வரி மதிப்பீட்டு ஆணை

26. வாகன பதிவு சான்றிதழ் 

27. பதிவு விற்பனை / லீஸ் / வாடகை ஒப்பந்தம்

28. தபால் திணைக்களம் வெளியிட்ட புகைப்பட கொண்ட முகவரி அட்டை

29. ஜாதி மற்றும் இருப்பிட சான்றிதழ் மாநில அரசு வெளியிட்ட புகைப்படம் கொண்டிருக்கும்.

பிறந்த தேதி (DoB) ஆதாரம் (பெயர் மற்றும்DoB கொண்டு)

1. பிறப்பு சான்றிதழ்

2. SSLC புத்தக / சான்றிதழ்

3. பாஸ்போர்ட்

4. லெட்டர் ஹெட் குழு ஒரு அரசிதழ் பதிவு பெற்ற அதிகாரி வெளியிட்ட பிறந்த தேதி சான்றிதழ்

Introducer கணினி - ஒரு சான்று ஆவணங்களை வேண்டும் எனில் ஆதாரம் ஆவணங்களை இல்லை மக்கள் வழக்கில், ஒரு introducer அமைப்பு அங்கே உள்ளது. சேரல் இன்னும் பதிவாளர் ஒரு நபர் தகவல் செல்லுபடியாகும் தன்மையை உறுதி கூறுவேன் நபர்கள் உருவாக்க முடியும். Introducers அரசாங்க முகவர், வங்கிகள், ஆசிரியர்கள், கிராம postmen,தேர்ந்தெடுக்கப்பட்ட பிரதிநிதிகள் மற்றும் தொண்டு நிறுவனங்கள் இருக்க முடியும். Introducers முதல் கொடுக்கப்பட்ட பயிற்சி சேர்ந்தார் வேண்டும். அவர்களின் uid சேர்ந்தார் யார் நபரின் விவரங்கள் மத்தியில் சொல்லப்படும்.

ENGLISH

Along with the filled Aadhaar enrollment form, following documents need to be produced in original or attested copies from notary/gazetted officer.

• Proof of Identity (PoI)
• Proof of Address (PoA)
• Date of Birth (DoB)

As per the UID website, following are the documents which will be accepted as proof. If you don’t have some or any of the listed documents, see the bottom section ‘In case one does not have documents for proof’ for the procedure to be followed.

Proof of Identity (PoI) (containing name and photo)

1. Passport
2. PAN Card
3. Ration/ PDS Photo Card
4. Voter ID
5. Driving License
6. Government Photo ID Cards
7. NREGS Job Card
8. Photo ID issued by Recognized Educational Institution
9. Arms License
10. Photo Bank ATM Card
11. Photo Credit Card
12. Pensioner Photo Card
13. Freedom Fighter Photo Card
14. Kissan Photo Passbook
15. CGHS / ECHS Photo Card
16. Address Card having Name and Photo issued by Department of Posts
17. Certificate of Identify having photo issued by Group A Gazetted Officer on letterhead

Documents without photos will not be accepted. Older photos are acceptable.

Proof of Address (PoA) (containing name and address)

1. Passport
2. Bank Statement/ Passbook
3. Post Office Account Statement/Passbook
4. Ration Card
5. Voter ID
6. Driving License
7. Government Photo ID cards
8. Electricity Bill (not older than 3 months)
9. Water bill (not older than 3 months)
10. Telephone Landline Bill (not older than 3 months)
11. Property Tax Receipt (not older than 3 months)
12. Credit Card Statement (not older than 3 months)
13. Insurance Policy
14. Signed Letter having Photo from Bank on letterhead
15. Signed Letter having Photo issued by registered Company on letterhead
16. Signed Letter having Photo issued by Recognized Educational Instruction on letterhead
17. NREGS Job Card
18. Arms License
19. Pensioner Card
20. Freedom Fighter Card
21. Kissan Passbook
22. CGHS / ECHS Card
23. Certificate of Address having photo issued by MP or MLA or Group A Gazetted Officer on letterhead
24. Certificate of Address issued by Village Panchayat head or its equivalent authority (for rural areas)
25. Income Tax Assessment Order
26. Vehicle Registration Certificate
27. Registered Sale / Lease / Rent Agreement
28. Address Card having Photo issued by Department of Posts
29. Caste and Domicile Certificate having photo issued by the state government.

For Date of Birth (DoB) proof (having name and DoB)

1. Birth Certificate
2. SSLC Book/Certificate
3. Passport
4. Certificate of Date of Birth issued by Group A Gazetted Officer on letterhead

In case one does not have documents for proof – Introducer System

In the case of people who do not have documents for proof, there is an introducer system. The Registrar for enrollment can designate individuals who can vouch for the validity of a person’s information. Introducers can be government agencies, banks, teachers, village postmen, elected representatives and NGOs. Introducers will be enrolled first and given training. Their UID will be mentioned among the details of the person who gets enrolled.

அமெரிக்கா ஆசைப்பட்டு கொல்ல முடியாத ஒரு உருக்கு மனிதன்

அமெரிக்க அரசிற்கும் அதன் முதலாளித்துவ ஊடகங்களுக்கும்
ஒரு மனிதனை பிடிக்கவில்லை என்றால் அவனை கொன்று
விடும். சிலி, பனாமா நாட்டு ஜனாதிபதிகள் தொடங்கி
சதாம் ஹூசைன், முகமது கடாபி வரை வரலாறு முழுக்க
ஏராளமான உதாரணங்கள் உள்ளது. 

அமெரிக்கா ஆசைப்பட்டு கொல்லப்பட முடியாத ஒரு
உருக்கு மனிதன் பிடல் கேஸ்ட்ரோ. உண்மையான அந்த
புரட்சித் தலைவனை ( உலகில் லெனின், மாவோ, ஹோசீமின்,
கேஸ்ட்ரோ, சேகுவாரோ  ஆகியோர்  போன்ற சிலர் மட்டுமே
 புரட்சித் தலைவர்கள், தளபதிகள் . கண்டிப்பாக தமிழகத்தில்
 உள்ள யாரும் அல்ல)  கொல்ல அமெரிக்கா பல முறை முயன்றும்
அது நடக்கவில்லை.

அதனால் வக்கிர குணத்தோடு அவர் இறந்து விட்டார் என
அவ்வப்போது வதந்தியை கிளப்பி தனது வெறுப்பை
தீர்த்துக் கொள்ளும். கான்சரில் பாதிக்கப்பட்ட ஹூயுகோ
சாவேஸ் மரணத்தின் பிடியில் தவிக்கிறார் என்று 
அமெரிக்க ஊடகங்கள் நாள் குறித்தன. ஆனால் அவரோ
மீண்டும் ஜனாதிபத்யாகிவிட்டார்.

இரண்டு நாட்கள் முன்பாக எழுப்பிய வதந்திகளுக்கு 
கேஸ்ட்ரோ மக்கள் முன் நேரில் தோன்றி பதிலடி
கொடுத்து விட்டார். 

ஆனால் எத்தனை முறை பட்டாலும் அமெரிக்காவோ
அதன் ஊடகங்களோ திருந்தாது.
                                                                      s, raman

மது விலக்கா….? மது விளக்கா

அரசுகளுக்கோ அது அட்சய பாத்திரம். பயன்படுத்துவோருக்கோ அது பிச்சா பாத்திரம். தமிழ்நாட்டில் மட்டும் ஆண்டு வருமானம் 15 ஆயிரம் கோடி. கடைகள் 6696. மேற்பார்வையாளர்கள் எண்ணிக்கை 8,200. விற்பனையாளர்கள் 16 ஆயிரம். உதவியாளர்கள் 6 ஆயிரம். இதை நம்பி வாழும் குடும்பங்கள் 1 லட்சம். நம்பிக் கெட்ட குடும்பங்களோ பல கோடி.

என்ன அந்தக் காலத்து குடும்பக் கட்டுப்பாடு ரேடியோ விளம்பரம் போல் இருக்கிறதா?

இதை நம்பி சிலர் அல்ல அரசே …. இல்லை இல்லை அரசின் இலவச திட்டங்களின் உயிரே உள்ளது. ரொம்ப பேரின் உயிரையும் வாங்குகிறது. அது மது. அதுவும் தமிழ்நாட்டில் உற்பத்தியாகும் வெளிநாட்டு மது. அதாவது தமிழ்நாட்டில் உற்பத்தியாகும் சீமைச் சாராயம்.

ஆயிரம் ஆண்டுகளுக்கு முன்னரே கப்பல்களில் வந்த யவனர்களின் மதுக் குப்பிக்கு மயங்கி கிடந்த மன்னர்களின் கதையை சோழமண்டல கடற்கரை வரலாறு சொல்கிறது. பிரெஞ்சுக்காரர்கள், டச்சுக்காரர்கள், ஆங்கிலேயர் என மதுவைக் காட்டி மயக்காத படையயடுப்பாளர்கள் எவரும் இல்லை.

பண்டைய ஆரிய இலக்கியங்களே சோமபானம் – சுராபானம் என சுவையோடு மதுவை தரம் பிரித்தன. ஆனால் அகநானூறு தொடங்கி திருக்குறள் வரை போதை தரும் கள்ளை தொடாதே என்று சொன்ன தமிழ் இலக்கியங்கள் அதிகம்.

ஆங்கிலேயன் இந்தியாவை அரசாண்ட காலங்களில் மேல்தட்டு மக்களின் உற்சாக பானமாக இருந்த சீமைச் சாராயத்தை 1937ல் அன்றைய சென்னை மாகாணத்தின் பிரிமியர் அதாவது முதலமைச்சர் ராஜாஜி காங்கிரஸ் கட்சியின் கொள்கைக்கேற்ப தடை செய்தார். அதாவது மதுவிலக்கை கொண்டுவந்தார். அதற்கு காரணமும் இருந்தது. அன்றைய காலகட்டத்தில் இந்தியா முழுவதும் மதுக்கடை மறியலை காங்கிரஸ் நடத்தியது. சென்னை மாகாணத்தில் கள்ளுக்கடை மறியல். தந்தை பெரியாரின் துணைவியார் நாகம்மையாரும், தங்கை கண்ணம்மாவும் கள்ளுக்கடை மறியலில் முன் நின்றனர். தந்தை பெரியாரோ தனது தோப்பில் இருந்த நூற்றுக்கணக்கான தென்னை மரங்களைகள் இறக்க பயன்படுத்துகிறார்கள் எனச் சொல்லி வெட்டிச் சாய்த்தார். இதன் எதிரொலியாகவே இரட்டை ஆட்சி முறையில் ஆட்சிக்கு வந்த ராஜாஜி மது விலக்கை கொண்டுவந்தார். அதற்கும் முன்னர் இந்திய வரலாற்றில் தனது ஆட்சி பகுதி முழுவதும் மதுவை தடைசெய்த ஒரே மன்னன் மாவீரன் திப்புசுல்தான் மட்டுமே.

இலைமறை காய்மறையாய் அங்கொன்றும் இங்கொன்றுமாக மறைந்து வாழ்ந்த கள்ளச் சாராயம் 1974ல் அன்றைய முதல்வர் கலைஞர் புண்ணியத்தால் நல்ல சாராயமாக மாறியது. அரசே மக்கள் நலன் கருதி சாராயக் கடைகளை திறந்து ஏலம் விட்டது. அதுவே பின்னர் பரிணாம வளர்ச்சி பெற்று 1983ல் எம்.ஜி.ஆர் ஆட்சி காலத்தில் டாஸ்மாக் என்ற அரசின் விற்பனை மையமாக அது மாறிப் போனது. பின்னர் மலிவு விலைமது வந்தது.

2003ல் அ(இ)ன்றைய முதல்வர் ‘ஜெ’ மதுபானம் மூலம் கிடைக்கும் வருமானம் தனியாருக்கு போய்விடக் கூடாது என்கிற நல்ல எண்ணத்தில் இனிமேல் மதுவிற்பனையை அரசே முன்நின்று நடத்தும் என அரசாணை பிறப்பித்தார். அதுமுதல் கல்விக்கூடங்களை நடத்தி வந்த அரசு மதுக்கடைகளை நடத்த ஆரம்பித்தது. மதுக்கடைகளை நடத்திவந்த தனியார் கல்விக்கூடங்களை நடத்த ஆரம்பித்தனர்.

பள்ளி, கல்லூரிகள், வழிபாட்டு தலங்கள், மருத்துவமனைகள் இவற்றின் அருகாமையில் எல்லாம் அரசு மதுக்கைடகள் தாராளமாக திறக்கப்பட்டன. எந்த சட்டமும் அரசை கட்டுப்படுத்தவில்லை. எந்த நியாயமும் இங்கு செல்லுபடியாகவில்லை.

குடித்தால் சமூக மரியாதை இல்லை என்ற காலம் போய் குடித்தால்தான் சமூகத்தில் மரியாதை என்றாகிவிட்டது.

சமீபத்தில் வந்த பத்திரிக்கை செய்தி ஒன்றை பார்த்து யாரும் அதிர்ச்சியடைந்திருக்கமாட்டார்கள். திருப்பூர் அனுப்பர்பாளையத்தில் பத்தாம் வகுப்பு படிக்கும் மாணவர் இருவர் குடிபோதையில் பள்ளிக்கூடம் வந்ததற்காக இடைநீக்கம் செய்யப்பட்டார்கள் என்ற செய்திதான் அது. நான் படித்த காலங்களில் கல்லூரி பேர்வெல் பார்ட்டிகளில் அதுவும் கல்லூரிக்கு வெளியே மது தலைகாட்டும். ஆனால் இன்று பள்ளிக்கூட பேர்வெல் பார்ட்டிகளில் கூட மது விளையாடுகிறது. நட்புக்கு தேநீர் வாங்கி கொடுத்தால் போதும் என்ற நிலை மாறி அது இன்று குவார்ட்டர் ஆக மாறியுள்ளது. அரசியல் கட்சிகளும் தாங்கள் நடத்தும் ஊர்வலங்கள், பொதுக்கூட்டங்கள், தேர்தல் கால கூத்துக்கள் எல்லாவற்றிலும் ஆறாக ஓடும் மதுவை கண்டுகொள்வதில்லை. உலகிலேயே மது விற்பனை அதிகம் ஆகும் இடம் இந்தியா. இந்தியாவிலேயே தமிழ்நாட்டில்தான் அதிகமாக விற்பனையாகிறது. இது கொஞ்சம் கொஞ்சமாக குடிகாரர்களின் தேசமாக மாறி வருகிறது. உலகம் முழுவதும் மது உபயோகிப்பவர்கள் எண்ணிக்கை குறைந்து கொண்டே வருகிறது.தமிழ்நாட்டிலோ அதிகமாகிக் கொண்டே வருகிறது.

தமிழ்நாட்டில் 15லிருந்து 20 வயது வரை 10 சதவிகிதம்பேரும் 20- 30 வயது வரை 35 சதவிகிதம் பேரும் 30-35 வயது வரை 37 சதவிகிதம் பேரும் 35- 50 வயது வரை 18 சதவிகிதம் பேரும் மொடாக் குடியர்களாக மாறியிள்ளனர் என சமீபத்திய புள்ளி விவரங்கள் கூறுகின்றன.

இந்தியாவில் உள்ள மதுபான தொழிற்சாலைகளில் எவ்வித தரக்கட்டுப்பாடும் இல்லை. உலகில் 100 ஆண்டுகள் புளிக்க வைத்து தயாரிக்கப்படும் மதுபான வகைகள் இங்கு 24 மணி நேரத்தில் தயாராகின்றன. அத்தனையும் ரசாயனம்.

இரைப்பை நோய்கள், குடல் புற்று நோய்கள், மனநல பாதிப்புகள், சிறுநீரக செயலிழப்புகள், கணைய பாதிப்பு, பக்கவாதம், நரம்பு தளர்ச்சி, மரபணு பாதிப்பு, ஆண்மைக்குறைவு என தமிழ்நாட்டு மருத்துவமனைக்கு வரும் நோயாளிகளில் சரிபாதிப்பேர் குடியினாலேயே இந்நிலைக்கு ஆளாகின்றனர் என்பது அதிர்ச்சியளிக்கும் உண்மை.

இதைவிடக் கொடுமை மதுவின் தாக்கத்தால் பெண்களில் பலர் மார்பக புற்று நோய் மற்றும் கர்ப்பபை நோய்களுக்கு ஆளாகியுள்ளனர் என ஆய்வுகள் தெரிவிக்கின்றன. விளையாட்டாய் நட்புக்காக குடிக்க ஆரம்பித்து பின்னர் வருமானம் முழுவதையும் குடி விழுங்க ஆரம்பிக்கிறது. விளைவு வருமானம் இல்லாமல் பேய் குடும்பத்தில் குழப்பம் மிகுந்து கடைசியில் அது விவாகரத்தில் போய் முடிகிறது. பல வீடுகளில் ஆண்கள் மட்டுமே குடிபோதைக்கு அடிமையானாலும் கடைசியில் அது பெண்கள் தலையிலேயே விடிகிறது.

பெரும்பாலான நிறுவனங்களில் ஊழியர்கள் மதுவோடு சங்கமிப்பதால் வேலையின் கால அளவும், தரமும் குறைந்து போய்விட்டது.

இந்தியாவில் மதுவிலக்கு மூன்று வகையாக அமுல்படுத்தப்படுகிறது. முதலாவது முழுமையாக உள்நாட்டு – அயல்நாட்டு அனைத்து மது வகைகளையும் தடை செய்வது.இன்று மகாத்மா காந்தி பிறந்த குஜராத்தில் மட்டும் பூரண மதுவிலக்கு பெயரளவில் அமுலில் உள்ளது. கள்ளச் சாராயமோ அங்கு ஆறாக ஓடுகிறது.

இரண்டாவதாக சாராயம் தடை செய்யப்பட்டு வெளிநாட்டு மது மட்டும் விற்பது. இது மிசோராம், மணிப்பூர் போன்ற வடகிழக்கு மாநிலங்களிலும், தமிழ்நாடு, ஆந்திரா போன்ற மாநிலங்களிலும் அமுலில் உள்ளது.

மூன்றாவதாக வருடத்தில் ஒரு நாளில் மட்டும் அதாவது காந்தி ஜெயந்தி, புத்த ஜெயந்தி போன்ற நாட்களில் மட்டும் விடுமுறை கொடுப்பது. (ஆனாலும் பிளாக்கில் விற்பனை உண்டு) இப்படி கேலிக்கூத்தான மதுவிலக்குகள் இங்கே அமுல்படுத்தப்படுகின்றன.

ஆந்திர மாநிலத்தில் வேளான் அமைச்சர் டி.கி.வெங்கடேஷ் மது குடித்துவிட்டு வந்து தொல்லை கொடுக்கும் கணவரை பொது இடத்திற்கு அழைத்து வந்து உதைக்கும் பெண்களுக்கு ரூபாய் பத்தாயிரம் பரிசு என அறிவித்திருக்கிறார். நல்லவேளை தமிழ்நாட்டில் அப்படியாரும் சொல்லவில்லை. சொல்லியிருந்தால் மக்கள் தொகையில் பாதிப்பேர் அடிவாங்கியிருப்பார்கள்.

இங்கேதான் அரசே மதுபாட்டில்களிலேயே மது நாட்டிற்கும் வீட்டிற்கும் கேடு. குடி குடியை கெடுக்கும் என்ற அதி அற்புத வாசகங்களை பொறித்து விட்டதே. அதுவே போதாதா?

இங்கே மதுவிலக்கு காவல்துறை என்று ஒன்று உள்ளது. அதற்கு காவலராக பணியாற்ற கடும் போட்டி. மதுவை ஒழிக்க அல்ல- வருமானத்திற்கு. காவல்துறை பிரிவுகளிலேயே வருமானம் கொழிக்கும் பிரிவாக அது விளங்குவதால்.

இந்தியாவில் காவல்துறை, நீதித்துறை, வருவாய்துறை என அரசுத் துறைகளில் பெரும்பான்மையானவற்றில் பெரும்பான்மையினர் குடிக்கு அடிமையாகியுள்ளனர். அரசாங்கம் நடக்காமல் தள்ளாடுவது இதனால்தான். தமிழ்நாட்டில் மக்களுக்கான மருத்துவம் -பாதுகாக்கப்பட்ட குடிநீர் -தரமான சாலைவசதி -தடையில்லா மின்சார வசதி – இலவச கல்வி என அடிப்படை வசதிகள் எதைப்பற்றியும் கவலைப்படாத அரசு தரமான மதுவகை வேண்டும் என்று மட்டும் கவலைப்படுகிறது. மேட்டுக்குடி மக்கள் சாதாரண மதுவகைகளை பயன்படுத்தி உடல் நலம் கெட்டுவிடக்கூடாது என்பதற்காக அக்கறையுடன் அரசு புதிதாக எலைட் ஷாப் எனப்படும் உயர்தர மதுபானக் கடைகளை திறந்துள்ளது.

ஏற்கெனவே தமிழகத்தில் இனி புதிதாக எந்த ஒரு மதுக்கடைகளையும் திறப்பதில்லை என 2008ம் ஆண்டு தமிழக அரசு முடிவு செய்து அரசாணை வெளியிட்டது. தி.மு.க. ஆட்சி காலத்தில் இது வெளியிடப்பட்டதால் அதற்கு எதிராக தற்போதைய தமிழக அரசு அதை மாற்ற முடிவு செய்து புதிய கடைகளை திறந்துள்ளத. நாட்டு மக்களின் சுகாதாரத்தை காப்பாற்ற வேண்டிய அரசு மதுக்கடைகளை திறப்பதன் மூலம் அதை நாசப்படுத்துகிறது.

குடிப்பழக்கத்தின் காரணமாக வழிப்பறி, கொள்ளை, பெண்களுக்கு எதிரான குடும்ப வன்முறை, சாலை விபத்துக்கள் என குற்றச் செயல்கள்அதிகரித்துக் கொண்டே வருகிறது. அரசிற்கு அதைப்பற்றி எல்லாம் என்ன கவலை?

அரசின் ஆண்டு வருமானத்தில் (59கோடி) நான்கில் ஒரு பங்கு (15 கோடி) மதுவின் மூலம் கிடைக்கும் போது மதுவை விலக்காமல் ஒளி விளக்காக அரசு கருதுகிறது. இரண்டு திராவிட இயக்கங்களும் எதிரெதிர் துருவமாக அரசியலில் இருந்தாலும் மது விசயத்தில் ஒரு கொடியில் பூத்த இருமலர்களாகவே இருக்கின்றன.

உலகில் பெரும்பான்மை மதங்களும் – மார்க்கங்களும் மதுவிற்கு எதிராக இருக்கின்றன. இஸ்லாம் மதுவை விலக்கப்பட்ட ஒன்றாகவே அறிவிக்கிறது. நபி (ஸல்) ஆட்சியாராக மெக்காவிற்குள் நுழைந்தவுடன் செய்த முதல் வேலை கொடிய மதுபானங்களை தடை செய்ததுதான்.

இந்து மதமோ 5 மிகப் பெரிய தீமைகளில் ஒன்றாக மதுவை குறிப்பிடுகிறது. திருக்குறள் கள்ளுண்ணாமைக்காக ஒரு அதிகாரத்தையே கொடுத்திருக்கிறது. தீமைகளின் தாயகம் மது என்றார் காந்தி.

இங்கோ மக்களுக்கு சுகாதாரத்தை கொடுக்க வேண்டிய அரசு மதுவை விற்றுக் கொண்டிருக்கிறது.

படிக்க கற்றுக் கொடுக்க வேண்டிய அரசு- குடிக்க கற்றுக் கொடுத்துக் கொண்டிருக்கிறது.

சீனாவில் அபின் சாப்பிட கற்றுக் கொண்ட மக்கள் அதற்காக போரே பின்னர் நடத்தினார்கள் என்று வரலாறு. அதே போல் எதிர்காலத்தில் அறிவு மழுங்கடிக்கப்பட்ட மக்களாக தமிழ்மக்கள் மாறி மதுவுக்காக போர் நடத்திக் கொள்ளட்டும் என அரசு விரும்புகிறதோ என்னவோ?

தள்ளாடும் குடிமகன்கள் – அவர்களை தாங்கி பிடிக்கும் அரசு.

வெட்கங்கெட்ட இந்த தேசத்தில் வாழ்வது விபரீதம் என அறிவார்ந்த மக்கள் முடிவு செய்யுமுன் விழித்துக் கொள்ளுமா அரசு?

சமநிலை சமுதாயம்
by: கே.எம்.சரீப்

நற்செயல்களால் நம்மை அலங்கரிப்போம்

நீங்கள் உடலால் பேரழகனா, இல்லை பேரழகியா என்று அல்லாஹ் பார்க்க மாட்டான். மாறாக  நீங்கள் உள்ளத்தால் அழகானவரா என்பதை மட்டுமே அல்லாஹ் பார்ப்பான். எனவே, நீங்கள் உங்கள் உள்ளங்களை அழகு படுத்திக்கொள்ளுங்கள்.

சமூகத்தில் நீங்கள் எந்த தரம் என்பதை அல்லாஹ் பார்க்கமாட்டான்.  நீங்கள் சமூகத்தில் எந்த தரத்தில் நடந்து கொண்டீர்கள் என்பதையே அல்லாஹ் பார்ப்பான். எனவே நற்பண்புகளால் உங்கள் தரத்தை உயர்த்திக்கொள்ளுங்கள்.

உங்களுக்கு எத்தனை வீடுகள், பங்களாக்கள் இருந்தன என்று அல்லாஹ் பார்க்க மாட்டான். அவைகளில் எத்தனை அனாதைகளுக்கு அடைக்கலம் தந்தீர்கள் என்றே பார்ப்பான்.  எனவே, உங்கள் இல்லங்களில் ஆதரவற்ற அனாதைகளுக்கு அடைக்கலம் கொடுங்கள்.

நீங்கள் என்னென்ன உணவு உண்டீர்கள் என்பதை அல்லாஹ் பட்டியல் கேட்க மாட்டான்.  பசியோடு வந்த எத்தனை ஏழைகளின் பசியை போக்கினீர்கள் என்றுதான் அல்லாஹ் கேட்பான். எனவே, பசித்தோருக்கு உணவளியுங்கள்.

உங்களது அலமாரி மற்றும் பீரோக்களில் நீங்கள் எத்தனை டிசைன்களில் எத்தனை ஆடைகள் அடுக்கி வைத்திருக்கிறீர்கள் என்பதை அல்லாஹ் கேட்கமாட்டான்.  ஆடையற்ற ஏழைகளுக்கும் அனாதைகளுக்கும் அவற்றிலிருந்து தந்து உதவினீர்களா என்று மட்டுமே கேட்பான். எனவே, ஆடையற்ற ஏழைகளுக்கும் அனாதைகளுக்கும் ஆடைகளை தந்து உதவிடுங்கள்.

நீங்கள் சினிமா தொலைக்காட்சித் தொடர்களை கண்டு எத்தனை முறை அழுதீர்கள் என்று அல்லாஹ் கேட்க மாட்டான். நீங்கள் எத்தனை முறை சமூகத்திற்காகவும் அல்லாஹ்விற்கு அஞ்சியும் அழுதீர்கள் என்றே கேட்பான்.  எனவே உங்கள் அழுகைகளை அர்த்தமுள்ளதாக ஆக்கிக்கொள்ளுங்கள்.

நீங்கள் எத்தனை முறை சிரித்து மகிழ்ந்தீர்கள் என்பதை அல்லாஹ் கேட்கமாட்டான். நீங்கள் பிறருக்கு உதவியதின் மூலம் எத்தனை முறை அவர்கள் சிரித்து மகிழ்ந்தார்கள் என்றே அல்லாஹ் உங்களிடம் கேட்பான். எனவே, பிறருக்கு உதவிகள் புரிந்து அவர்களை சிரிக்கவும், மகிழவும் வையுங்கள்.

சமூகத்தில் உங்களது மதிப்பெண் என்ன என்பதை அல்லாஹ் ஒருபோதும் பார்க்கமாட்டான். வீட்டில் உங்கள் மனைவியிடம், அண்டை வீட்டாரிடம் உங்கள் மதிப்பெண் என்ன என்பதையே அல்லாஹ் பார்ப்பான். எனவே மனைவியிடமும், அண்டை வீட்டாரிடமும் அழகிய முறையில் நடந்து கொள்ளுங்கள்.

நீங்கள் எத்தனை பிள்ளைகளை பெற்றீர்கள் என்பதைவிட  உங்கள் பிள்ளைகளுக்கு  சிறந்த கல்வியையும் ஒழுக்கத்தையும் கற்றுத்தந்தீர்களா என்பதையே அல்லாஹ் பார்ப்பான். எனவே உங்களது பிள்ளைகளுக்கு நல்ல கல்வியையும், நல்ல ஒழுக்கத்தையும் கற்றுக்கொடுங்கள்.

நீங்கள் குர்ஆனை எத்தனை முறை ஓதினீர்கள் என்பதைவிட அதிலிருந்து எத்தனை விஷயங்களை உங்கள் வாழ்வில் கடை பிடித்தீர்கள் என்பதையே அல்லாஹ் கேட்பான். எனவே, குர்ஆனை பொருளறிந்து ஓதுவதோடு அதை கடைபிடிக்கவும் செய்யுங்கள்.

நற்செயல் என்பது உங்கள் முகங்களைக் கிழக்கிலோ, மேற்கிலோ திருப்பிக்கொள்வதில் இல்லை; ஆனால் நற்செயல் என்பது அல்லாஹ்வின் மீதும், இறுதி(த் தீர்ப்பு) நாளின் மீதும், மலக்குகளின் மீதும், வேதத்தின் மீதும், நபிமார்கள் மீதும் ஈமான் கொள்ளுதல்; (தன்) பொருளை இறைவன் மேலுள்ள நேசத்தின் காரணமாக, பந்துக்களுக்கும், அநாதைகளுக்கும், மிஸ்கீன்(ஏழை)களுக்கும், வழிப் போக்கர்களுக்கும், யாசிப்பவர்களுக்கும், (அடிமைகள், கடனாளிகள்) போன்றோரின் மீட்புக்காகவும் செலவு செய்தல்; இன்னும் தொழுகையை ஒழுங்காகக் கடைப்பிடித்து முறையாக ஜகாத் கொடுத்து வருதல்(இவையே நற்செயல்களாகும்). அல்குர்ஆன் 2:177

இளைஞர்களே சிந்திப்பீர்!

மண்ணின் மகிழ்ச்சி, மக்களின் பலவீனம், கொள்ளைக்காரர்களின் மூலதனம்.

நேற்றுதான் கோகோ கோலா விளம்பரம் பார்த்தேன். காலில் செருப்பில்லாத, பூவா தலையா போடக்கூட கையில் காசில்லாத, முறையான ஸ்டம்ப் இல்லாத, புல் தரைகள் இல்லாத மணல் வெளியில், சுட்டெரிக்கும் சூரியனை சமாளிக்க குளிர் கண்ணாடிகள் இல்லாமல் கிழிந்த ஆடைகளோடு, மேலே கூரைகள் அற்று வெயிலில் காயும் பார்வையாளர்களோடு, கிரிக்கெட் விளையாடும் ஏழைச் சிறுவர்களைக் காட்டி இதுதான் இந்த மண்ணின் மகிழ்ச்சி என்று சொல்கிறது அந்த விளம்பரம். இறுதியில் நாடாளுமன்ற மாநிலங்களவை உறுப்பினர் சச்சின் டெண்டுல்கர் கோகோ கோலா குடித்து “ எல்லோரும் கோக் குடித்து நாசமாகப் போங்கள்” ( அவர் பேசும் மொழி புரியாததால் அப்படித்தான் சொன்னார் என்று நினைக்கிறேன்”  என்று சொல்கிறார்.

மற்ற விளையாட்டுக்களையெல்லாம் புறம் தள்ளி விட்டு இந்திய மக்கள் கிரிக்கெட்டிற்கு அளிக்கும் அமோக ஆதரவுதான் இன்று அதனை பணம் கொழிக்கும் விளையாட்டாக மாற்றியுள்ளது. என்ன விளையாடினாலும் பார்ப்பார்கள் என்பதால்தான் இன்று எல்லா நேரமும் விளையாடிக் கொண்டிருக்கிறார்கள்.

கிரிக்கெட் வீரர்கள் தேவதூதர்களாகக் கருதப்படுவதால்தான் அவர்களுக்கு விளம்பர வருவாய் விளையாட்டு வருவாயை விட பல மடங்கு அதிகமாக வருகிறது.

கிரிக்கெட்டை ஆராதிப்பதால் இந்திய மண்ணிற்கும் மக்களுக்கும் மகிழ்ச்சியில்லை. கோகோ கோலா போன்ற நிறுவனங்கள் நிலத்தடி நீரை உறிஞ்சுவதால் இந்திய மண்ணிற்கு  பாதிப்புதான் ஏற்பட்டுள்ளது.

கிரிக்கெட்டை ஒரு விளையாட்டு என்ற அடிப்படையில்  இல்லாமல் நேசிக்கும் மக்களால், அதனை ஒரு வணிகமாக மாற்றியுள்ள கிரிக்கெட் வீரர்களுக்கும் வாரியங்களுக்கும் மிகப் பெரிய நிறுவனங்களுக்குத்தான் மகிழ்ச்சி இந்தியாவை முன்னேற்றப்பாதையில் கொண்டுசெல்ல துடிக்கும் ஒவ்வொரு இளைஞனும் சிந்திக்க வேண்டும் எல்லா விளையாட்டுக்களும் ஒரு உடற்பயிற்ச்சிக்காகத்தான் அதற்க்கு ஏன் இவ்வளவு கோடிகள் வீண்? உழைத்து சம்பாதிக்கும் ஒவ்வொரு இந்தியனின் வரிப்பணத்தில்தான் இந்தியா சுழன்றுகொண்டிருக்கிறது அதை வீணடிப்பவர்களை அலட்சியம் செய்வோம்

கடன் கொடுப்போரும் கடன் வாங்குவோரும்

                                                                                                                 M.S.k

ஈமான் கொண்டோரே! ஒரு குறித்த தவனையின் மீது உங்களுக்குள் கடன் கொடுக்கல் வாங்கல் செய்து கொண்டால், அதை எழுதி வைத்துக் கொள்ளுங்கள்;. எழுதுபவன் உங்களிடையே நீதியுடன் எழுதட்டும்;. எழுதுபவன் எழுதுவதற்கு மறுக்கக்கூடாது. (நீதமாக எழுதுமாறு) அல்லாஹ் அவனுக்குக் கற்றுக் கொடுத்தபடி அவன் எழுதட்டும். இன்னும் யார் மீது கடன் (திருப்பிக் கொடுக்க வேண்டிய) பொருப்பு இருக்கிறதோ அவனே (பத்திரத்தின்) வாசகத்தைச் சொல்லட்டும்;. அவன் தன் ரப்பான (அல்லாஹ்வை) அஞ்சிக் கொள்ளட்டும். அல்குர்ஆன் 2:282

இந்த வசனத்தின்படி கடன் கொடுப்போரும் கடன் வாங்குவோரும் நடந்து கொண்டால் எவ்வித பிரச்னையும் ஏற்படாது. ஆனால் நடைமுறையில் இருக்கும் விஷயங்கள் நேர்மாறானவை. கடன் வாங்கும்போது இனிக்க இனிக்கப்பேசி வாங்கிப் போவார்கள். கடனை திருப்பி கேட்டால் காரமாக பேசுவார்கள். உங்க பணத்தை எடுத்துக்கொண்டு எங்கும் ஓடிப்போய்விட மாட்டேன் தருகிறேன் என்பார்கள். எப்போது என்பதை மட்டும் சொல்ல மாட்டார்கள். வற்புறுத்திக் கேட்டால் ஒரு நாளை சொல்வார்கள். அந்நாளில் போனால் அலைகழிப்பார்கள். இவர்களின் எண்ணம் கடன் வாங்கிய பணத்தை அல்லது பொருளை மோசம் செய்து விட வேண்டும் என்பதே. இவர்கள் எதை செய்யப் போனாலும் விரித்தியாவதில்லை. திருப்பி கொடுத்து விட வேண்டும் என்ற நோக்கத்தில் சிலர் கடன் வாங்குவார்கள். அவர்களுக்கு முடியாதபோது அவர்கள் அறியாத விதத்தில் அல்லாஹ் அக்கடனை அடைத்து விடுவான். இதைத்தான் இந்த ஹதீஸும் சொல்கிறது.

எவன் மக்களின் பணத்தை (அல்லது பொருட்களைத்) திருப்பிச் செலுத்தும் எண்ணத்துடன் கடன் வாங்குகிறானோ அவன் சார்பாக அல்லாஹ்வே அதனைத் திருப்பிச் செலுத்துவான். எவன் திருப்பிச் செலுத்தும் எண்ணமின்றி அதை பாழாக்கும் நோக்கத்துடன் கடன் வாங்குகிறானோ அல்லாஹ்வும் அவனை பாழாக்கி விடுவான் என நபி (ஸல்) அவர்கள் கூறினார்கள். என அபூ ஹுரைரா(ரலி) அறிவித்தார். நூல்: புகாரி

வசதி மிக்கவர்கள் வியாபாரிகளிடம் கடன் வாங்கி வைத்துக்கொண்டு இழுத்தடிப்பார்கள். இப்படி செய்வதை கெளரவமாக நினைப்பவர்களும் உண்டு. இது அநியாயமாகும். வியாபாரம் செய்பவர்களுக்கும் பெரும் சிரமத்தை ஏற்படுத்தி விடுவார்கள்.

வசதியுள்ளவர் (கடனை) இழுத்தடிப்பது அநியாயமாகும் என நபி (ஸல்) அவர்கள் கூறினார்கள் என அபூ ஹுரைரா(ரலி) அறிவித்தார். நூல்: திர்மிதி

வசதி இருந்தும் கடனை அடைப்பதில் அக்கரை காட்டாதவர்களை வேண்டுமென்றே தாமதம் செய்பவர்களை கடுமையான வார்த்தையைக் கொண்டு கடனை வசூலிப்பதற்கு உரிமையுண்டு.

அபூ ஹுரைரா(ரலி) அறிவித்தார். ஒருவர் அல்லாஹ்வின் தூதரிடம், அவர்களுக்குத் தான் கொடுத்த (ஒட்டகத்)தைக் திருப்பித் தரும்படி கேட்டார். அப்போது நபி(ஸல்) அவர்களிடம் அந்த மனிதர் கடுமையாகப் பேசினார். எனவே, நபித்தோழர்கள் அவரை தண்டிக்க விரும்பினார்கள், அப்போது நபி(ஸல்) அவர்கள் தம் தோழர்களை நோக்கி, விட்டு விடுங்கள்; ஏனெனில், ஒருவர் தனக்குக் கடன் தர வேண்டியவரிடம் கடுமையாகச் பேச உரிமையுண்டு. அவருக்காக ஓர் ஒட்டகத்தை வாங்கி அவரிடமே கொடுத்து விடுங்கள்” என்று கூறினார்கள்.

நபித்தோழர்கள், ‘அவருக்குத் தர வேண்டிய ஒட்டகத்தின் வயதை விட அதிக வயதை உடைய ஒட்டகம்தான் எங்களிடம் இருக்கிறது” என்று கூறினார்கள். அதற்கு நபி(ஸல்)அவர்கள், ‘அதையே வாங்கி அவருக்குக் கொடுத்து விடுங்கள். ஏனெனில், நல்ல முறையில் கடனைத் திருப்பிச் செலுத்துகிறவரே உங்களில் சிறந்தவர்” என்று கூறினார்கள். நூல்: புகாரி

சிறந்த முறையில் கடனை அடைப்பதன் மூலம் நாமும் சிறந்த மனிதனாகிறோம். வசதி குறைந்தவர்களுக்கு கடன் கொடுப்பவர்களுக்கு கொஞ்சம் அதிகப் படியாகவே கால அவகாசம் தரலாம். அந்த அவகாச காலத்தில் கடனை செலுத்த முடியாத நிலையேற்பட்டால் வசதி குறைந்தவரின் கடனை தள்ளுபடி செய்து விடுவது அல்லாஹ்விடத்தில் மிகப்பெரிய கூலியை பெற்றுத்தரும். எந்த நிழலும் இல்லாத அந்நாளில் அல்லாஹ் தன் நிழலில் இடம் தருவான்.

யாரேனும் சிரமப்படுபவருக்கு அவகாசம் வழங்கினால் அல்லது அவரது கடனைத் தள்ளுபடி செய்தால் எந்த நிழலும் இல்லாத இறுதி நாளில் அர்ஷின் நிழலின் கீழ் அவருக்கு அல்லாஹ் நிழல் தருவான் என்று நபி (ஸல்) அவர்கள் கூறினார்கள். அறிவிப்பவர்: அபூஹுரைரா (ரலி) நூல்:திர்மிதி

மற்றொரு ஹதீதில்

ஒருவர் மரணித்துவிட்டார். அவரிடம் (கப்ரில் வைத்து), ‘நீ (உலகில் என்ன (நன்மையைச்) சொல்லி (செய்து) வந்தாய்?’ என்று கேட்கப்பட்டது. அதற்கு அவர், ‘நான் மக்களிடம் கொடுக்கல் வாங்கல் செய்து வந்தேன். கடன் தொகையை வசூல் செய்யும்போது வசதி உள்ளவருக்கு அவகாசம் கொடுத்து வந்தேன். வசதியற்றவரை மன்னித்து (கடனைத் தள்ளுபடி செய்து) வந்தேன்” என்று கூறினார். (அவரின் இந்த நற்செயல் அங்கீகரிக்கப்பட்டு) அவருக்கு மன்னிப்பு அளிக்கப்பட்டது. என ஹுதைஃபா(ரலி) அறிவித்தார். நூல்: புகாரி

ஒருவர் முடிந்தவரை கடன் வாங்குவதை தவிர்த்து கொள்வது நல்லது. . கடன் வாங்கிய பிறகு அதனை நிறவேற்ற முடியாமல் கடன் கொடுத்தவரிடம் கொடுத்த வாக்கை மீறுவதும் பொய்யும் கூறுவது அவனில் ஏற்படுகிறது. இறைத்தூதர் நபி (ஸல்) அவர்கள் கடனை விட்டும் பாதுகாப்பு தேடியிருக்கிறார்கள்.

ஆயிஷா(ரலி) அறிவித்தார். “இறைவா! கப்ருடைய வேதனையை விட்டும் உன்னிடம் பாதுகாப்புத் தேடுகிறேன். தஜ்ஜாலின் குழப்பத்தை விட்டும் உன்னிடம் பாதுகாப்புத் தேடுகிறேன். வாழும் போதும் மரணிக்கும் போதும் ஏற்படும் குழப்பத்தை விட்டும் உன்னிடம் பாதுகாப்புத் தேடுகிறேன். பாவங்களை விட்டும் கடனை விட்டும் உன்னிடம் பாதுகாப்புத் தேடுகிறேன்” என்று நபி (ஸல்) அவர்கள் தொழுகையில் துஆச் செய்தவார்கள். ‘தாங்கள் கடனை விட்டும் அதிமாகப் பாதுகாப்புத் தேடும் காரணம் என்ன?’ என்று ஒருவர் நபி (ஸல்) அவர்களிடம் கேட்டபோது ‘ஒரு மனிதன் கடன் படும்போது பொய் பேசுகிறான்; வாக்களித்துவிட்டு அதை மீறுகிறான்” என்று நபி(ஸல்) அவர்கள் விளக்கமளித்தார்கள். நூல்: புகாரி

கடனால் ஏற்படும் இன்னல்களை விட்டும் நாம் அல்லாஹ்விடம் பாதுகாப்பு தேடுவோமாக!

இஸ்லாத்தின்-கடவுள்-கொள்கை dr அப்துல்லாஹ்

மிதமான வேகமே சுகமானப் பயணம்.

                    அதிரை ஏ.எம்.பாரூக்

அஸ்ஸலாமு அலைக்கும் வரஹ்...

கடந்த கட்டுரையில் திருடிய குற்றத்திற்காக கை துண்டிக்கப்படவிருந்த தண்டனையை ரத்து செய்யக்கோரி உஸாமா(ரலி) அவர்கள் அண்ணல் நபி(ஸல்) அவர்களிடம் சிபாரிசு செய்ததையும் அதைக் கேட்டதும் அமைதியே உருவான அண்ணல் நபி(ஸல்) அவர்களின் முகம் கோபத்தால் நிறம் மாறியதும் தாம் செய்ய இருந்தது பாவ காரியம் என்பதை உஸாமா(ரலி) அவர்களுக்கு உணர்த்தியதும் தொடர்ந்துப் பேசுவதை நிருத்திக்கொண்டு தாம் செய்யவிருந்த பாவ காரியத்திற்காக அண்ணல் அவர்களையே அல்லாஹ்விடம் பாவமன்னிப்புக் கேட்கும்படிக் கூறியதைப் பார்த்தோம்.

அண்ணல் நபி(ஸல்) அவர்கள் தங்களுடைய சொந்தப் பிரச்சனைக்காக யார் மீதும் எப்பொழுதும் கோபம் கொண்டதே இல்லை என்பதற்கான சில சம்பவங்களையும் கடந்த கட்டுரையில் பார்த்தோம்.

ஆனால் பிறருக்குத் துன்பம் தரக் கூடிய அல்லது ஒட்டு மொத்த சமுதாயத்தை சீரழிக்கக் கூடிய எந்த தீமையை யார் செய்தாலும் அண்ணல் அவர்கள் சமுதாயத்தை சீர்திருத்த வந்த தீர்க்கதரிசி என்பதால் அந்தந்தக் காரியங்களுக்கு தகுந்தாற்போல் கோபத்தை வெளிப்படுத்திக் காரியத்தின் வீரியத்தை உணரச் செய்வார்கள்.

மக்களும் உடனடியாக அதிலிருந்தது விலகிக் கொள்வார்கள் இவ்வாறே 23 வருட காலமாக இஸ்லாமியச் சட்டம் முழுமை படுத்தப்பட்டது. அதனால் தான் இதை மனிதனுக்கேற்ற மார்க்கம் என்றும் சொல்லப்படுகிறது.

கேடு விளைவிக்கும் மிதமிஞ்சிய வேகம்.

இறைதூதர்(ஸல்) அவர்கள் ஒரு பயணத்தில் சென்று கொண்டிருந்த பொழுது பெண்களை ஏற்றி வந்த ஒட்டகத்தை ஓட்டி வந்த ஒட்டகமோட்டி ஒருவர் பாட்டுப் பாடிக்கொண்டு படுவேகமாக விரட்டி செல்வதைக் கண்டு கடும் கோபமுற்றார்கள்.

அவரை நோக்கி அன்ஜஷாவே ஒட்டகத்தை விரட்டாதே ! நிதானத்தை கடைப் பிடி மேலே அமர்நதிருக்கும் பெண்களை விபத்துக்குள்ளாக்கி  விடாதே ! என்று கோபத்துடன் கண்டித்து விட்டு இவ்வாறு பாட்டுப் பாடிக் கொண்டு வாகனத்தை வேகமாக விரட்டுவது உனக்கு பெரும் கேட்டைத் தான் உண்டு பண்னும் என்றுக் கூறினார்கள்.

நபி(ஸல்) அவர்கள் ஒரு பயணத்தில் இருந்தார்கள். அப்போது பாட்டுப்பாடி ஒட்டகமோட்டுபவர் ஒருவர் (அன்ஜஷா என்பவர்) பாடினார். அப்போது (அவரிடம்) நபி(ஸல்) அவர்கள், 'அன்ஜஷா! உனக்குக் கேடுதான்! மெல்லப்போ கண்ணாடிக் குடுவைகளை (பெண்களை) உடைத்து விடாதே!'' என்றார்கள். 6209. அனஸ் இப்னு மாலிக்(ரலி) அறிவித்தார்.

ஒட்டகம் படு வேகத்தில் ஓடிக் கொண்டிருக்கும் பொழுது அதே வேகத்தில் ஒட்டகம் தடுமாறி விழுந்து விட்டால் அல்லது அதிகமான வேகத்தின் காரணத்தால் பெண்கள் அமருவதற்காக ஒட்டகத்தின் மேல் கட்டப்பட்டக் கூடாரத்தின் கட்டுகள் அவிழ்ந்து விட்டால் கூடாரம் கீழே விழுந்த வேகத்திற்கு உடைந்து நொறுங்கி சின்னாப் பின்னமாகி விடும்.

அதனால் கூடாரத்திற்குள் இருக்கும் பெண்களின் கை, கால்கள் உடைந்து, மண்டை உடைந்து அல்லது மொத்த உடலும் சிதறி அகால மரணத்தைத் தழுவ நேரிடலாம் அதனால் தான் இந்த செயலைக் கடுமையான கோபத்துடன் இது உனக்குக் கேட்டைத் தான் தரும் என்று இறைத்தூதர்(ஸல்) அவர்கள் கண்டித்தார்கள்.

குறைந்த வேகமும் கேடு தான்.  

பயணத்தில் வேகம் மிகக் குறைவாக இருந்தாலும் பின்னால் வரக் கூடிய வாகனம் நம்முடைய வாகனத்தில் மோதும் நிலை உருவாகலாம், இன்னும் குறிப்பிட்ட நேரத்தில் குறிப்பிட்ட இலக்கையும் அடைய முடியாது இது போன்ற காரணங்களும் வேகம் குறைவான பயணத்தில் ஏற்படுவது உண்டு.         

நபி(ஸல்) அவர்கள் ஒரு பயணத்தில் சென்று கொண்டிருந்த பொழுது ஜாபிர்(ரலி) அவர்களின் ஒட்டகம் மிக மெல்லமாக சென்று கொண்டிருந்தது இதைக் கடந்த இறைத் தூதர்(ஸல்) அவர்கள் ஜாபிர்(ரலி) அவர்களிடமிருந்த கம்பை வாங்கி அவர்களின் கரங்களால் ஜாபிர்(ரலி) அவர்களுடைய ஒட்டகத்தைத் தட்டியதும் அது வேகமாக ஓடத் தொடங்கியது.

நான் நபி(ஸல்) அவர்களுடன் ஒரு பயணத்தில் இருந்தேன். நான் மந்தமாக நடக்கும் ஓர் ஒட்டகத்தின் மேல் அமர்ந்திருந்தேன் அந்த ஒட்டகம் அனைவருக்கும் கடைசியாக வந்தது. நபி(ஸல்) அவர்கள் என்னைக் கடந்து சென்றபோது, 'யாரவர்?' என்று கேட்டார்கள். 'ஜாபிர் இப்னு அப்தில்லாஹ்!'' 'நான் மந்தமான ஒட்டகத்தில் பயணம் செய்கிறேன்!' என்று கூறினேன். 'உம்மிடம் கம்பு ஏதும் இருக்கிறதா?' என்று கேட்டார்கள். நான் 'ஆம்!'' என்றேன்.'அதை என்னிடம் கொடும்!' என்று கேட்டார்கள். அதை அவர்களிடம் கொடுத்தேன். (அந்தக் கம்பால்) ஒட்டகத்தை(அடித்து) விரட்டினார்கள்.அப்போதிருந்து என்னுடைய ஒட்டகம் அனைவரையும் முந்திச் செல்ல ஆரம்பித்தது... நூல்: புகாரி 2309. அறிவிப்பாளர்: ஜாபிர்(ரலி) அறிவித்தார்.

வாகனத்தை வேகமாக விரட்ட வேண்டாம் என்று இறைத் தூதர்(ஸல்) அவர்கள் பிறரை தடுத்து விட்டு அவர்கள் வேகமாக விரட்ட மாட்டார்கள். 

ஆனாலும் நிதானமாக செல்லக் கூடிய இறைத் தூதர்(ஸல்) அவர்களின் ஒட்டகமே ஜாபிர்(ரலி)அவர்களுடைய ஒட்டகத்தை முந்திச் செல்கிறதென்றால் ஜாபிர்(ரலி) அவர்களுடைய ஒட்டகம் எந்தளவுக்கு வேகம் குறைவாக சென்றுக் கொண்டிருந்திருக்கும் என்பதை சிந்திக்க வேண்டும்.

எவ்வளவு மெதுவாக சென்றாலும் நல்லது தானே என்று அண்ணல் அவர்கள் கண்டு கொள்ளாமல் போய் விட வில்லை மாறாக நடுநிலையான வேகம் தான் நிதானமான வேகமாக அமையும் என்பதை கருத்தில் கொண்டு தங்களுடைய கரங்களால் அந்த ஒட்டகத்தைத் தட்டி விட்டு வேகத்தை அதிகப் படுத்தினார்கள்.

மேற்காணும் இரண்டு சம்பவங்கள் மூலமாக குறைவான வேகமும் இல்லாமல் அதிகமான வேகமாகவும் இல்லாமல் நடுநிலையான வேகத்தையே பயணத்தில் இஸ்லாம் கடைபிடிக்கச் சொல்கிறது என்பதை தெள்ளத் தெளிவாக விளங்கிக் கொள்ளலாம்.

அன்றைய பயண நிலை.

ஒரு காலம் இருந்தது அதில் பயணம் என்றால் அவ்வளவு சுலபமானக் காரியம் அல்ல பயணம் புறப்பட்டுவிட்டால் உயிருடன் திரும்பி வருவதே கடினமானக் காரியமாகும். பாதுகாப்புடன் திரும்பி வந்து விட்டாலும்  முந்தைய ஆரோக்கியம் இருக்காது. 

ஹஜ்ஜூக்கு பயணிகளை சுமந்து வரும் ஒட்டகங்கள் மெலிந்த நிலையில் வரும் என்று அலலாஹ் கூறுகிறான் அந்தளவுக்கு பல ஆயிரம் மைல்கள் பயணிகளை சுமந்து கொண்டு அந்த ஒட்டகங்கள் பயணிக்கும்.

வலிமையான முறையில் படைக்கப்பட்ட அந்த ஒட்டகமே மெலிந்து விடும் என்றால் அதன் மீது அமர்ந்து மோசமான தட்ப வெப்ப நிலைகளைக் கடந்து வரும் மனிதர்களின் நிலை எவ்வாறிருக்கும் என்பதை சிந்திக்க கடமைப்பட்டுள்ளோம்.

இதனால் தான் பயணத்தை தொடங்கும் போது இறைவா ! இந்தப் பயணத்தின் மீது நாங்கள் சக்தி பெற்றிருக்க வில்லை, இந்த பயணத்தை எங்களுக்கு இலகுவாக்கு, இந்தப் பயணத்தில் நீயே எங்களுக்கு உற்ற துணையாய் இரு, இந்த பயணத்தில் எங்களுக்கு இறையச்சத்தைக் கொடு, நாங்கள் திரும்பி வருகின்ற வரை எங்கள் குடும்பத்தை பாதுகாத்துக்கொள் என்று பிரார்த்தித்து விட்டுப் புறப்படுவார்கள்.

எங்களுக்கும் உற்ற துணையாய் இரு, எங்கள் குடும்பத்துக்கும் பாதுகாப்பாய் இரு என்று இறைஞ்சிக் கூறும் அளவுக்கு உயிருக்கே உத்தரவாதம் இல்லாதப் பயணம் அந்தக் காலப் பயணம்.

பயணத்தின் நடுவே உயரமான மேடுகளில் ஏறும் போதும், பள்ளத் தாக்கானப் பகுதிகளில் இறங்கும் போதும் அல்லாஹ் பெரியவன் என்ற தக்பீரை முழங்கிக் கொண்டே செல்வார்கள்.

நாங்கள் நபி(ஸல்) அவர்களுடன் (கைபர்) பயணத்தில் இருந்தோம். அப்போது நாங்கள் மேட்டில் ஏறும்போது'அல்லாஹு அக்பர்' (அல்லாஹ் மிகப்பெரியவன்) என்று (உரக்கச்) சொல்லிவந்தோம்..... அபூ மூஸா அல்அஷ்அரீ(ரலி) அறிவித்தார். நூல்: புகாரி 7386.

திரும்பி வந்த உடன் இறைவனைப் புகழ்வார்கள், வீட்டிற்குள் நுழைவதற்கு முன் இறைவனை நன்றிக் கூறியவர்களாக பள்ளிவாசலில் இரண்டு ரக்அத்கள் தொழுது விட்டு நுழைவார்கள்.

மேற் கூறப்பட்டவைகள் எதாவது இன்று நம் சமுதாயத்தில் பின் பற்றப்படுகிறதா ? என்றால் அதிகபட்சம் இல்லை என்பதே பதிலாக அமையலாம்.

காற்றைக் கிழித்துக் கொண்டுப் பறக்கும் மோட்டார் வாகனங்கள். 
இன்று ஒட்டகம் இல்லை ஆனால் காற்றாய் பறக்கக் கூடிய மோட்டார் வாகனங்கள் ( பைக், கார் ) வந்து விட்டது. காற்றாய் பறக்கக்கூடியது என்பதை விட காற்றைக் கிழித்துக் கொண்டு பறக்கக் கூடியது என்றால் மிகையாகாது அதனால் தான் அதில் கரணம் தப்பினால் மரணம் என்றாகி விடுகிறது கை, கால்கள் மட்டும் உடைந்து உயிர் பிழைத்துக் கொள்ளலாம் என்பது இதில் மிகக் குறைவு.

அன்றுக் கூட ஒட்டகம் எவ்வளவு வேகத்தில் போய் விழுந்தாலும் அதில் பயணிப்பவர்களுக்கு மரணம் என்ற நிலை உருவாவதுக் குறைவு காயங்களுடன் அல்லது பலத்த காயங்களுடன் தப்பித்துக் கொள்வர் அவ்வாறிருந்தும் அதையே இறைதூதர்(ஸல்) அவர்கள் கேட்டைத் தரும் வேகம் என்றுக்கூறிக் கண்டித்துள்ளார்கள் என்றால் அந்த உபதேசத்தை கரணம் தப்பினால் மரணத்தை ஏற்படுத்தும் என்ற இன்றைய மோட்டார் வாகனங்களில் பயணிப்போர் எடுத்துக் கொள்ளக் கூடாதா ?

வாகணத்தில் ஏறி உட்கார்ந்ததும் பின் சீட்டில் யார் அமர்ந்திருக்கிறார் என்ற நினைவே இல்லாமல் விரட்ட வேண்டும் என்பதையும், முன்னால் போகின்ற வாகனத்தை முந்த வேண்டும் என்பதையும் லட்சியமாக(?) கொண்டே வாகணத்தை ஓட்டுகின்றனர் இதனால் தான் விபத்து ஏற்படுகிறது.

பாட்டுடன் கூடிய வேகம்.

பாட்டு வந்து விட்டாலே கூடவே கண் மூடித் தனமான ஒரு வேகமும் வந்து விடுவது இயல்பு. 

அன்று அன்ஜஷாவும் ஸஹாபிப் பெண்கள் அமர்ந்திருந்த ஒட்டக்ததை விரட்டும் போதுக் கூடவே பாட்டும் பாடினார். 

இந்த இரண்டையும் கண்டு தான் இறைதூதர்(ஸல்) அவர்களுக்கு கோபம் மேலிட்டு இது உனக்கு கேடு தான் என்று எச்சரித்தார்கள்.

இறைதூதர்(ஸல்) அவர்கள் எதைக் கேடு என்றுப் பயணத்தில் கூறித் தடுத்தார்களோ அது இன்று நம்முடையப் பயணங்களில் தாராளமாக ஊடுருவி விட்டது.

அன்று அன்ஜஷா பாடினார் இன்று ஸ்டீரியோப் பாடுகிறது, அன்று பாட்டைக்கேட்டு ஒட்டகம் வேகமாக ஓடியது இன்று பாட்டைக்கேட்டு ஓட்டுனர் வாகனத்தை விரட்டுகிறார்.

பேரூந்துகளில் பாடல்களை அலற விட்டு பயணிகளை வா! வா! என்று அழைக்கும் அளவுக்கு பயணிகளின் கவனத்தை ஈர்த்து விட்டது  ஸ்டீரியோ.

தனியார்களின் மினி வாகணங்களிலும் இதே நிலை தான் தொடருகிறது வாகணத்தை ஸ்டார்ட் செய்ததும் அடுத்து நேராக கை ஸ்டீரியோவுக்குத்தான் செல்கிறது  இதனால் வாகனத்தை ஸ்டார்ட் செய்த உடன் ஓதக்கூடிய சுப்ஹானல்லதி... இறைவா! இந்தப் பயணத்தை எங்களுக்கு இலகுவாக்கு... என்ற துஆவை ஓத மறந்து விடுகின்றனர்.

உயரமான மேடுகளில், பள்ளத்தாக்கானப் பகுதிகளில், அபாயகரமான வளைவுகளில் வாகனம் செல்லும் போது தக்பீர் கூற மறந்து விடுகின்றனர் மறந்து விடும் அளவுக்கு பாடல்கள் மெய் மறக்கச் செய்து விடுகின்றன. அதனால் அல்லாஹ்வும் அவர்களை மறந்து விடுகிறான். 

இதனால் எண்ணிப் பார்க்கவே முடியாத அளவுக்குக் கோர விபத்துகள் ஏற்பட்டு விடுகின்றன. இது போன்ற விபத்தில் ஒருவருக்கு உயிர் பிரியும் நிலை ஏற்படும் போது போது மஹா மோசமான கருத்துக்களை உள்ளடக்கிய கொச்சையான பாடல்கள் ஒலித்துக் கொண்டே இருக்கும், ரூஹ் பிரிந்து கொண்டே இருக்கும். ( இதிலிருந்தும் வல்ல அல்லாஹ் நம் அனைவரையும் காக்க வேண்டும் )

கட்டுப்பாட்டை இழக்கச் செய்யும் மிதமிஞ்சிய வேகம்.

நேருக்கு நேர் மோதுவது மட்டும் விபத்தல்ல கடுமையான வேகத்தில் விரட்டிக் கொண்டு செல்லும் போது கல்,முள் குத்தி டயர் பஞ்சர் ஆகி அசுர வேகத்தில் காற்று டயரிலிருந்து வெளியேறி விட்டாலும் அல்லது எதாவது ஒருப் பிராணி குறுக்கிட்டு விட்டாலும் வாகனம் படு வேகத்தில் ஓடிக் கொண்டிருக்கும் போது ப்ரேக்கை ஓங்கி அழுத்தினால் அது வாகனத்தை அதே வேகத்தில் புரட்டி விடுகிறது. 

புரட்டிய வேகத்தில் கால் ஒரு மூளையில், கை ஒரு மூளையில் முண்டம் ஒரு மூளையில் தேடி எடுக்க வேண்டிய அபாயகரமான நிலையை நொடிப் பொழுதில் உருவாக்கி விடுகிறது.

மிதமான வேகமாக இருந்தால் இவ்வாறான சூழ்நிலைகள் ஏற்படும் போது ப்ரேக்கை அழுத்தினால் அது அழுத்திய இடத்தில் நச்சென்று நின்று கொள்ளும் இதன் மூலம் விபத்தை தவிர்த்துக் கொள்ளலாம் அதையும் மீறினால் சிறு காயங்களுடன் பிழைத்துக் கொள்ளலாம். இறைதூதர்(ஸல்) அவர்கள் கூறியதைப்போன்று கண்ணாடிக் குடுவைகள் உடைந்து நொறுங்குவதைப் போன்று ஆகாது.

இதனால் தான் அண்ணல் அவர்கள் சமுதயாத்திற்கு மிகப்பெரும் கேடு விளைவிக்கக் கூடிய இந்த செயலை செய்த அன்ஜஷாவை நோக்கி இது உனக்கு கேடு தான் என்று கடுமையான கோபத்துடன் கூறி கண்டித்துப் பாட்டை நிருத்தி வேகத்தைக் குறைக்கச் செய்தார்கள்.

நாளிதழ்களைப் புரட்டினால், தொலைகாட்சிகளைத் திறந்தால் வாகன விபத்து மூலம் இரண்டு பேர் மரணம், மூன்று பேர் மரணம், மொத்த குடும்பமும் மரணம் என்ற செய்திகள் வராத நாளே இல்லை எனலாம். அந்தளவுக்கு தினந்தோறும் மலிந்து விட்டது வாகன விபத்துகள். இந்த விபத்துகளின் பிண்ணனியில் அமைந்திருப்பது அதிகமான வேகம் தான்.

ஒன்று விபத்துக்குள்ளான வாகனம் வேகமாகச் சென்றிருக்கும் அல்லது விபத்துக்குள்ளான வாகனத்தில் மோதிய வேறொரு வாகனம் வேகமாக சென்றிருக்கும் அல்லது எதாவது ஒருப் பிராணி குறுக்கே சென்றிருக்கும் ப்ரேக் அழுத்திருப்பார் வண்டிப் புரண்டிருக்கும் அல்லது மரத்தில் மோதி இருக்கும் இது அல்லாத விபத்துக்கான வேறுக் காரணங்கள் மிக மிகக் குறைவாகவே இருக்கும். 

குறைவான வேகமும் இல்லாமல் அதிகமான வேகமாகவும் இல்லாமல் நடுநிலையான வேகத்தைத் தான் பயணத்தில் இஸ்லாம் கடைபிடிக்கச் சொல்கிறது.

மொத்தத்தில் அனைத்து செயல் பாட்டிலுமே நடுநிலையையே பேணச் சொல்கிறது இஸ்லாம் அதனால் இந்த சமுதாயத்தையே நடுநிலை சமுதாயம் என்று அகிலங்களின் அதிபதியாகிய அல்லாஹ் கூறுகிறான். 

இவ்வாறே நீங்கள் (மற்ற) மக்களுக்கு எடுத்துச் சொல்வோராகத் திகழவும், இத்தூதர் (முஹம்மத்) உங்களுக்கு எடுத்துச் சொல்பவராகத் திகழவும் உங்களை நடு நிலையான சமுதாயமாக்கினோம்... 2:143.

அனைத்திற்கும் இஸ்லாத்தில் தீர்வு உண்டு 1400 வருடங்களுக்கு முன் ஒட்டகத்தில் பயணம் செய்த காலத்திலேயே வாகன வேகம் நிதானமாக இருக்க வேண்டும் வேகம் அதிகரித்தால் ஆபத்தில் முடியும் என்பதை கண்ணாடி குடுவைகள் விழுந்தால் அது என்ன மாதிரியான நிலையில் ஆகும் என்பதை விளங்கிக் கொள்ளும் விதமாக இறைத் தூதர் (ஸல்) அவர்கள் கூறினார்கள், செயல் முறையில் செய்தும் காட்டினார்கள்.

இறைவன் தன் தூதரை 23 வருடங்கள் மக்களோடு மக்களாக வாழச்செய்து உலகம் முடியும் காலம் வரை மனித சமுதாயத்திற்கு எது தேவை, எது தேவை இல்லை. எது சிறந்தது, எது ஆபத்தானது ? என்பதை விளக்கிப் பாடம் நடத்தச் செய்த வல்லோன் அல்லாஹ் மேன்மை மிக்கவன்.

தற்கொலைக்கு சமமானது.

உயிர் விலை மதிப்பற்றது இறைவனுடைய உத்தரவு கிடைத்து மலக்குல் மௌத்து (உயிரை கைப் பற்றும் வானவர்) நம்முடைய உயிரை எடுக்கும் வரை நம்முடைய உயிர் பிரிவதற்கு எந்த வகையிலும் நாமேக் காரணமாகி விடக் கூடாது. 

நாமேக் காரணமாகிவிட்டால் இது தற்கொலைக்கு ஒப்பானதாகி விடலாம். ( இதிலிருந்தும் வல்ல அல்லாஹ் நம் அனைவரையும் காக்க வேண்டும் ).

வாகனத்தை ஸ்டார்ட் செய்த உடன் பயண துஆவை ஓத வேண்டும் அந்த துஆவில் பயணக் காலங்களில் தேவைப்படும் பாதுகாப்புக்கான ஏராளமான கோரிக்கைகள் அடங்கி இருக்கின்றன.

மேடு, பள்ளங்களில் செல்லும் பொழுது தக்பீர் கூற வேண்டும் அவ்வாறு கூறினால் அவ்விடங்களின் பேராபத்துகளிலிருந்து காப்பாற்றுவதற்கு இறைவன் போதுமானவனாகி விடுவான். 

அண்ணல் நபி(ஸல்) அவர்கள் தங்களுடைய சொந்தப் பிரச்சனைக்காக யார் மீதும் எப்பொழுதும் கோபம் கொண்டதே கிடையாது ஆனால் பிறருக்குத் துன்பம் தரக் கூடிய அல்லது ஒட்டு மொத்த சமுதாயத்தை சீரழிக்கக் கூடிய எந்த தீமையை யார் செய்தாலும் அண்ணல் அவர்கள் சமுதாயத்தை சீர்திருத்த வந்த தீர்க்கதரிசி என்பதால் அந்தந்த காரியங்களுக்கு தகுந்தாற்போல் கோபத்தை வெளிப்படுத்தி காரியத்தின் வீரியத்தை உணரச் செய்வார்கள்.

அதில் ஒன்று தான் பெண்களை சுமந்து கொண்டு வந்த ஒட்டகத்தை பலஹீனமானப் பெண்கள் அமரந்து வருவதைக் கூட பொருட்படுத்தாமல் பாட்டுப் பாடிக் கொண்டுப் படு வேகத்தில் விரட்டியவர் மீது கடும் கோபம் கொண்டு உனக்கு கேடு தான் என்றக் கடுமையான வார்த்தையையும் பயன் படுத்தினார்கள்.

وَكَذَلِكَ جَعَلْنَاكُمْ أُمَّةً وَسَطًا لِّتَكُونُواْ شُهَدَاء عَلَى النَّاسِ وَيَكُونَ الرَّسُولُ عَلَيْكُمْ شَهِيدًا  {143

இவ்வாறே நீங்கள் (மற்ற) மக்களுக்கு எடுத்துச் சொல்வோராகத் திகழவும், இத்தூதர் (முஹம்மத்) உங்களுக்கு எடுத்துச் சொல்பவராகத் திகழவும் உங்களை நடு நிலையான சமுதாயமாக்கினோம்... 2:143.